പയ്യന്നൂര്: സ്വതന്ത്ര സ്ഥാനാര്ഥിക്കായി നടത്തിയ ചുമരെഴുത്ത് ഇരുട്ടി വെളുത്തപ്പോൾ എല്ഡിഎഫിന്റേതാക്കി മാറ്റി.
പയ്യന്നൂരില് സ്വതന്ത്ര സ്ഥാനാര്ഥിയായി മത്സരിക്കുന്ന വി.കുഞ്ഞികൃഷ്ണന്റെ തെരഞ്ഞെടുപ്പ് പ്രചാരണാര്ഥമുള്ള ചുമരെഴുത്താണ് ഇന്നലെ രാവിലെ എല്ഡിഎഫിന്റെതായി മാറ്റിയെഴുതപ്പെട്ടത്.
അന്നൂര് കണ്ടക്കോരന്മുക്കിലാണ് സംഭവം. ഞായറാഴ്ച രാത്രി ഒന്പതോടെയാണ് പയ്യന്നൂരിലെ സ്വതന്ത്ര സ്ഥാനാര്ഥി വി. കുഞ്ഞികൃഷ്ണനെ വിജയിപ്പിക്കുകയെന്ന ചുമരെഴുത്ത് പൂർത്തിയാക്കി പ്രവർത്തകർ പിരിഞ്ഞത്.
ഇന്നലെ രാവിലെ വി. കുഞ്ഞികൃഷ്ണന്റെ ചുമരെഴുത്തിനു മുകളിൽ ഓരോ വോട്ടും എൽഡിഎഫിനെന്നെഴുതി സ്ഥാനാർഥിയുടെ തെരഞ്ഞെടുപ്പു ചിഹ്നവുമാണു പ്രത്യക്ഷപ്പെട്ടത്.
കൂട്ടത്തില് അന്നൂര് സഖാക്കളെന്നും എഴുതിയിട്ടുണ്ട്. ഇതിനെതിരെ യുഡിഎഫ് മുനിസിപ്പല് ചെയര്മാന് എ. രൂപേഷ് പയ്യന്നൂര് പോലീസില് പരാതി നല്കി. വൈകുന്നേരത്തോടെ പോലീസെത്തി ചുമരെഴുത്ത് ഗ്രീൻ നെറ്റ് കൊണ്ട് മറച്ചിരിക്കുകയാണ്.
Deepika
E-paper LOGIN
LOGIN
